Reliance Capital: अनिल अंबानी यांच्या कर्जात बुडालेल्या Bharti Reliance Capital चे हस्तांतरण हिंदुजा समूहाच्या कंपनीकडे करण्याची प्रक्रिया अजूनही पूर्ण झालेली नाही. या संर्भात समोर आलेली महत्वाची बातमी सांगते की RCAP चे प्रशासक यांनी रिझर्व्ह बँक ऑफ इंडिया (RBI) कडे कंपनी खरेदी करणाऱ्यांना कंपनी हस्तांतरित करण्यासाठी मुदतवाढीची मागणी केली आहे.
मुदतवाढीची मागणी: (Reliance Capital)
सूत्रांनुसार, RCAP ची खरेदीदार हिंदुजा समूहाची कंपनी आहे. शुक्रवारी, 24 मे रोजी रिलायंस कॅपिटलची मालमत्ता आदित्य एंटरप्राइजेज (हिंदुजा समूहाची कंपनी) ला हस्तांतरित करण्याची मुदत संपली होती, कारण रिझर्व्ह बँकेने (RBI) 17 नोव्हेंबर 2023 रोजी रिलायंस कॅपिटलची मालमत्ता विकण्यास मंजूरी दिली होती आणि यासाठी सहा महिन्यांची मुदत निश्चित करण्यात आली होती.
रिलायंस कॅपिटलचे प्रशासक यांनी केंद्रीय बँकेकडे मुदतवाढ करून 27 मे पर्यंत नवीन तारीख निश्चित करण्याची विनंती केली आहे. जर RBI ने अनिल अंबानी यांच्या कंपनीच्या विनंतीला मान्यता दिली तर RCAP ला त्याची मालमत्ता हिंदुजा समूहाच्या कंपनीला हस्तांतरित करण्यासाठी 10 दिवसांचा अतिरिक्त कालावधी मिळेल.
NCLT चा आदेश:
NCLT ने 27 फेब्रुवारी रोजी Resolution Plan ला मंजुरी देताना IndusInd International Holdings Limited ला 90 दिवसांच्या आत तो अंमलात आणण्याचा आदेश दिला होता (Reliance Capital). जर RBI ने मुदतवाढीची विनंती मान्य केली नाही तर हिंदुजा समूहाकडे Resolution Plan पूर्ण करून RCAP ची मालमत्ता ताब्यात घेण्यासाठी वेळ उरणार नाही.